Іс-шара Қазақстан Республикасының Мемлекеттік Әнұранымен басталды. Бас директор Алтынай Түкенқызы Ескалиева өзінің құттықтау сөзінде Конституция – біздің мемлекетіміздің берік іргетасы, әрбір азаматтың құқықтары мен бостандықтарының кепілі екенін атап өтті. Әсіресе, Конституцияда денсаулықты қорғау және медициналық көмек алу құқығы бекітілгеніне назар аударылып, бұл дәрігерлердің еңбегін Негізгі заңды жүзеге асырудың ажырамас бөлігіне айналдыратыны айтылды.
Салтанатты жағдайда адал еңбегі мен денсаулық сақтау жүйесін дамытуға қосқан үлесі үшін үздік қызметкерлер грамоталармен марапатталды.
Бірлік рухы, тарихқа деген құрмет пен ел жетістіктеріне деген мақтаныш іс-шараға қатысқан барша жұртты біріктірді. Жиналыс Қазақстан Республикасына өркендеу және ел халқына денсаулық пен амандық тілеумен аяқталды.
