«2025 жылғы 2 мамырда ҚР ДСМ психикалық денсаулық РҒПО Бас директоры Есқалиева Алтынай Төкенқызы ұйымдастырушылық-әдістемелік көмек аясында Қостанай облысына барды. Сапар аясында ДСБ басшысы Д. С. Жандаевпен кездесу өтті. Кездесу барысында көмек көрсетуді ұйымдастыру және сапасы, қызметтердің өзара іс-қимылы, сондай-ақ психикалық денсаулық саласындағы заманауи тәсілдерді іске асыру мәселелері талқыланды. Бастапқы деңгейдегі көмектің қол жетімділігі мен сабақтастығын жақсартуға ерекше назар аударылды.
Облыс басшылығы тарапынан психикалық денсаулық қызметін жаңғыртуды толық түсініп, белсенді қолдауды атап өткен жөн.
Сондай-ақ, Қостанай қаласындағы Психикалық денсаулық орталығы мен алғашқы психикалық денсаулық орталығына барды. Сапар аясында ПДО директоры С.К. Шүменбаевпен және орталық ұжымымен кездесу өтті, оның барысында қызметкерлерге психикалық денсаулық сақтау қызметін жаңғыртудың негізгі тезистері ұсынылды.»
Жаңалықтар
