25-27 қыркүйекте Орталық Азия және Шығыс Еуропа елдерінің "Психикалық денсаулық: стереотиптерді жою, фактілерді ашу" Субөңірлік форумы өтті.

Біздің елімізде психикалық денсаулықтың өзекті мәселелері бойынша осындай деңгейдегі іс-шара алғаш рет өткізілді!

Форумды ұйымдастыруға қолдау көрсеткені үшін Қазақстандағы ДДҰ елдік кеңсесіне зор алғысымызды білдіреміз!

ДДҰ Еуропалық бюросының аймақтық директоры - Dr. Hans Henri P. Kluge, Дүниежүзілік психиатриялық қауымдастығының президенті - Prof. Danuta Wasserman өздерінің бейне сәлемдемелерін жіберді. 

Форумның күндізгі форматына: психикалық денсаулық бөлімінің басшысы (WHO, Geneva) Dr. Mark van Ommeren, Флагмандық психикалық денсаулық бастамасының аймақтық кеңесшісі (WHO, Copenhagen) Dr. Ledia Lazeri, халықаралық серіктестердің өкілдері - UNODC, UNICEF, үкіметтік емес ұйымдар, сондай-ақ Орталық Азия және Шығыс Еуропа елдерінің ұлттық психиатриялық қауымдастығының Президенттері қатысты.

Белсенді халықаралық ынтымақтастық ең жақсы тәжірибе алмасуға, бірлескен зерттеулер жүргізуге, бір-бірімен шекарасыз өзара әрекеттесуге мүмкіндік береді.

Біздің алдымызда әлі де көптеген міндеттер тұр және оларды шешудің кілті біздің өңірдің барлық елдерінің күш-жігерін біріктіруде жатыр.

Форум жаңа стратегиялар мен бірлескен жобаларды дамытудағы маңызды қадам болатынына сенімдіміз.